Sot është mbajtur Forumi Ekonomik Kosovë-Kroaci, pjesë e së cilës ishte edhe ambasadori Martin Berishaj, shkruan Periskopi.

E në një postim të kryeministrit Kurti i cili shkroi për raportet mes dy vendeve, i pari i ekzekutivit u kujdes që ambasadori Martin Berishaj të mos dukej në asnjë foto.

Kujtojmë se edhe në agjenden e publikuar rreth këtij forumi nuk është treguar se Berishaj do të jetë pjesë e saj./PERISKOPI

Postimi i plotë i Kurtit:

Mirëpritëm sot në Prishtinë Forumin e parë ekonomik për këtë vit, Forumin Ekonomik Kosovë – Kroaci.
Jemi dy vende të lidhura ngushtë me njëra-tjetrën, politikisht, historikisht, por edhe gjeografikisht. Andaj, ka ardhur koha që të forcojmë po ashtu edhe lidhjet tona ekonomike. Bazuar në trendet e shkëmbimeve tona tregtare gjatë viteve të fundit, jemi në rrugën e duhur për ta bërë këtë. Eksportet tona në Kroaci janë trefishuar, ndërkaq importet nga Kroacia janë dyfishuar.
Potenciali ynë i përbashkët është i madh, vullneti e angazhimi nuk munojnë, andaj do ta shtojmë dhe do ta rrisim edhe më tej ndërveprimin për të mirën e të dyja vendeve.